في كل نظام بيجي رئيس وناس عايشه تهلله
وناس ماشيه جمب الحيط وناس تكبر ورا ضله
وناس ثايرة على حكمه وناس شايفاه ما فيش منه
مع الأزمان بتتغير مواقفهم وتتبدل يبات حاكم فى قصر أمير ويصحى سجين بيتجندل.
نظام الكون وعارفينه بيتغير بين الأزمان وأجدادنا قالوها زمان ( دوام الحال من المحال)
لكن آسف يا أجدادنا غلطوا كتير فى أمثالكوا فى بت حلوه أموره ينادوها يا داخلية.
فى كل نظام تكون عايشة فى قتل الشعب ملهية.
وأصغر عسكري فيها يكون سيدك لأجل دواعٍ أمنية.
وفى سجونها تكون حيوان تموت فيها بلا دية.
فلما تحب تبقى رئيس فمتخافشى على سريرك هتلقى طنط داخلبة.
هتقتل كل من ترغب رصاصها الحي سداد.
ويوم ما تحب تتغندر فا حيقضوها ضرب غازااات.
ما هى داخلية أمورة ما بتأمنش ليك ماتشات.
لكن تعملك الثورجى تخصص فض اعتصامات وتتساهل مع البلطجى.
يا داخليه شباب الثوره ما يخافشى من النيران.
صدورنا تسيع لـ100 طلقة فالمى عبيدك الفئران.
شهيد الثوره بدمائه بتكمل لوحه الأحرار.
وبكره الحق راح يكسب ويفضل اسمك الخسران.
تعيشى يا حلوه على فراشك تدومى على سرير كل نظام.