كشف الفنان بيومي فؤاد عن سر إقبال المنتجين عليه، للمشاركة في أعمال فنية عديدة، قائلًا: «مباخدش 3 دقائق في الاتفاق، ومبعملش مشاكل، ومفيش أي طلبات غير إني أمثل».
وأضاف خلال لقائه مع برنامج «الحكاية»، المذاع عبر فضائية «إم بي سي مصر»، مساء أمس الجمعة، أنه لا يتطرق إلى مسألة ترتيب اسمه في تتر العمل الفني، أو مكانه في الأفيش، متابعًا: «لأن الحاجات دي لم بتتطلب بتبقى مش حق».
وتابع: «لما أقول اسمي هيتكتب فين معناها إن فيه قلة ثقة، أو فيه مشكلة، أو بطلب حاجة مش حقي، ولما حد يظلمني عشان أدبي مبتشغلش معاه تاني»، موضحًا أن المنتجين يعتمدون عليه لسهولته في التعامل.