فاطمة المعدول تعلق على جدل مسلسل معاوية: المصريون سنة الهوية شيعة الهوى وشعب متسامح بطبعه

آخر تحديث: الأحد 2 مارس 2025 - 4:28 م بتوقيت القاهرة

أسماء سعد

أكدت الكاتبة فاطمة المعدول أن مصر، رغم كونها سنية، لطالما احتفظت بحبها لآل البيت وتقديسها للصحابة، حتى الذين وقعت بينهم خلافات تاريخية. وأشارت إلى أن المصريين يتمتعون بطبيعة متسامحة توفيقية تسعى لإرضاء جميع الأطراف، وهو ما ينعكس على موقفهم من القضايا التاريخية ذات الطابع الجدلي.

وأوضحت المعدول أن الكثيرين قد لا يدركون أن مصر كانت دولة شيعية حتى مجيء صلاح الدين الأيوبي، الذي أغلق الأزهر وحوّله إلى مؤسسة سنية بعد أن كان مركزًا للفكر الشيعي، مؤكدة أن الصورة السينمائية التي رُسمت له تختلف عن حقيقته التاريخية.

جاء ذلك في منشور لها على موقع التواصل الاجتماعي "فيسبوك" قالت فيه:
"إحنا سنة وهوانا شيعي، كلمة كانت أمي دايمًا بترددها وأنا صغيرة. وطبعًا محدش يعرف إن مصر كانت شيعية لغاية لما جه صلاح الدين وقتل ٩٢ ألف مصري، خاصة في الصعيد!! وقفل الأزهر اللي كان شيعي، وفضل مقفول حتى بعد ما مات لمدة ١٠٠ سنة!!"

وأضافت:
"صلاح الدين اللي شخصه أحمد مظهر في السينما، يا سلام، كان قمر ومتسامح كده!! هو انتصر انتصارًا كاسحًا ولا عمل حاجة كده شبه السادات!! انتصار محدود واتفاقيات!! وفيلم الناصر صلاح الدين كله أكاذيب، وإحنا بنتفرج وبنتبسط من صلاح الدين اللي هو مش صلاح الدين!! ومن الأستاذ العظيم حمدي غيث اللي هو لا يمكن يكون ريتشارد!!"

وتابعت:
"يعني جت على معاوية؟ فوتوها لهم!! أهو مسلسل هانتفرج عليه وخلاص!! إيه يعني معاوية وزنه ١٣٠ كيلو وجايبين ممثل رفيع وحليوه!! الراجل فقد وزنه في التصوير، وإيه يعني لو هايكتبوه من وجهة نظر مش هتعجب الشيعة أو اللي بيحبوا آل البيت!! وإحنا مالنا!!"

واختتمت:
"حقيقي إحنا بالذات كمصريين ما عندناش مشكلة، وربنا ما يجيب لنا أي مشاكل!! تشخيصية تاريخية!! كفاية مشاكلنا اللي إحنا عايشين فيها!! مصر سنية لكنها بتحب كل آل البيت وبتقدس كل الصحابة حتى اللي قتلوا بعض!! شفتوا جمال وتسامح وشعب توفيقي، وعايز يرضي كل الأطراف!! يا حبايبي يا مصريين، وصباح الفل على مصر الحلوة العاقلة المتسامحة."