عمرو أديب بعد فوز الأهلي على الهلال: اللي فات حمادة واللي جاي حمادة تاني

آخر تحديث: الأحد 2 أبريل 2023 - 11:06 م بتوقيت القاهرة

أحمد علاء

وصف الإعلامي عمرو أديب، مباراة فوز الأهلي على الهلال السوداني بثلاثية نظيفة في دوري أبطال إفريقيا وتأهله للدور ربع النهائي، بأنها كانت ملحمة أسطورية.

وقال خلال برنامجه «الحكاية» عبر شاشة «mbc مصر 2»، مساء الأحد: «اللي فات حمادة واللي جاي حمادة تاني خالص.. الأهلي هيلاعب الترجي أو الوداد أو الرجاء.. وأي فريق منهم مش هيكون زي الهلال.. التلت فرق دول قمر كامل.. قمر من الكبار اللي بينوروا».

وأضاف: «اللي حصل مع الهلال مش معناه إن الأهلي عبر البحر.. دي كانت عنق زجاجة وخلصت.. لكن حقيقة الأمر هتبان في الفترة المقبلة.. الأهلي كان جبارا وقويا لكن ليس عظيما ومعاريا».

وأشار إلى حاجة الأهلي للكثير من الدعم في الفترة المقبلة، وتابع: "نصيحة من واحد عاوز المصلحة وبما إن الزمالك مش موجود في البطولة والأهلي الممثل بتاعنا.. الأهلي محتاج كتير علشان يقدر يقف على رجله».

وفاز الأهلي بثلاثية نظيفة على نادي الهلال السوداني، خطف بها بطاقة التأهُّل إلى الدور ربع النهائي ببطولة دوري أبطال إفريقيا.

وبعد تأهله وصيفا، سيكون الأهلي على موعد مع مواجهة ملتهبة في دور الثمانية، وذلك في مواجهة إما الترجي التونسي أو الرجاء أو الوداد المغربيين، علما بأن مباراة الذهاب ستكون في القاهرة.