المذيعة أميمة بدري تطمئن الجمهور على صحتها بعد فقدانها النطق

حرصت المذيعة أميمة بدري مراسلة شبكة قنوات «DMC»، أن تطمئن الجمهور على حالتها الصحية، قائلة: «بطمنكم أنا أحسن شوية»، وذلك بعدما تصدرت مواقع التواصل الاجتماعي، خلال الساعات الماضية، عقب إعلانها أنها فقدت النطق بسبب الحزن.

ونشرت أميمة البدري مقطع فيديو عبر حسابها الشخصي على مواقع «فيسبوك»، توضح فيه أنها تعرضت لفقدان النطق وطالبت بالدعاء لها، وعلقت عليه: «شكرا لكل حد بيسأل وبيطمن عليا بس ده حالي وصوتي طلع حبه الصبح ومكنش في أي صوت ولا حركة في شفايفي ولسه تعبانة فمش عارفة ولا قادرة اتواصل معاكم قولت اطمنكم بحالي هنا أسهل.. دعواتكم والحمد لله على كل شئ».

وتابعت: «بقولكم آسفة لكل حد بيسأل وبيطمن عليا بس مش عارفه أرد ادعولي أكون كويسة».

وكانت كشفت أميمة خلال الساعات الماضية عن نقلها إلى المستشفى بسبب تدهور حالتها الصحية، معلقة: «الحمد لله رب العالمين على كل حاجة حصلت ليا أنا بكتب وأنا مش قادرة أطمنكم أنا روحت المستشفي وعملت الأشعة المقطعية على المخ الحمد لله مفيش جلطه بس للأسف فقدت النطق».

وأضافت: «بسبب إني زعلت جامد ادعولي دعوة صادقة أنا محتاجة لدعواتكم وشكرا لكل اللي بيكلمني بس حرفيا مش قادرة من الصدمة».

وتابعت: «أنا دكتور كتبلي أدوية وقالي لازم ارتاح تماما وخلال 3 أيام لو ما اتحسنتش ورجعت اتكلم هتابع مع دكتور أعصاب واعمل جلسات كهرباء لأعرف أتحسن».

وطلبت أميمة من الجمهور الدعاء لها، قائلة: «ادعولي اعرف انطق تاني وارجع لحياتي أنا نفسيا مش أحسن حاجة دعواتكم وشكرا للتواصل معايا ولكل واحد حاول يكلمني ويساعدني وشكرا للي جالي البيت ووداني المستشفي دعواتكم».