«المهم لما تلعب تبقى كويس».. شوبير يعلق على غياب الشناوي عن قائمة الأهلي

آخر تحديث: الإثنين 2 ديسمبر 2024 - 2:01 م بتوقيت القاهرة

زيـاد الميرغني

علق الإعلامي أحمد شوبير حارس مرمى الأهلي ومنتخب مصر السابق على غياب قائد الأهلي وحارس مرماه الأساسي محمد الشناوي عن قائمة الفريق في مباراة البنك الأهلي التي أقيمت أمس.

وتعادل الأهلي مع البنك الأهلي سلبيا في مباراة شهدت تألقا لافتا من الحارس مصطفى شوبير الذي زاد عن مرمى المارد الأحمر ببسالة وحصد لقب أفضل لاعب في المباراة.

وقال شوبير في تصريحات إذاعية: «لما سألوا كولر بعد المباراة ليه الشناوي مبيقعدش احتياطي، هل فيه اتفاق بينك وبينه بكده، قال مفيش اتفاق وفي مباراة الأهلي وسيراميكا في السوبر المصري كان قاعد احتياطي عادي».

وأوضح أحمد شوبير: «أعتقد وده من وجهة نظري إن القصة ممكن تكون لما شوبير يكون الحارس الأساسي للمباراة بيفضل الأهلي يكون حمزة علاء البديل على الدكة عشان يحس إنه قريب من اللعب طالما هو البديل لمصطفى الشناوي وارد بقوة يعني».

وتابع شوبير: «هل هناك اتفاق ضمني بين الشناوي ومستر كولر بكده؟ وارد، هل الشناوي بيقول محتاج يوم راحة زيادة وبيستأذن من كولر في ده؟ وراد أيضًا، واللي أنا متأكد منه لو الشناوي مشتر كولر حطه في القائمة وهيقعد احتياطي هيقعد عادي مفيش مشكلة».

وأضاف شوبير: «وبعدين ده يقعد احتياطي أو ده يقعد احتياطي متفرقش اللي يفرق والمهم لما تلعب تبقى كويس».