أول تعليق من هلا السعيد بعد صدور قرار بمحاكمة سائق أوبر

آخر تحديث: الأربعاء 5 يونيو 2024 - 6:41 م بتوقيت القاهرة

علقت الفنانة هلا السعيد على صدور قرار من نيابة الشيخ زايد بمحاكمة سائق أوبر في الواقعة الأخيرة، وذلك بعد إثبات النيابة أن السائق غير مصاب بمرض السكر.

وقالت هلا السعيد في بيان صحفي: "هو طلع معندوش سكر وكان فيه بنزينة وراست وبوابات بعد حوالي 3 دقائق من المكان اللي وقف فيه وكان في طريقنا بعد ما ركبت كافتريا ومسجد ومجمع طبي، والرحلة ما كملتش 7 دقائق من وقت التحرك".

وكانت نيابة الشيخ زايد قد حددت جلسة 27 يوليو 2024 للنظر في الجنحة رقم 1740 لسنة 2024 جنح ثان الشيخ زايد، وذلك لمحاكمة سائق أوبر المتهم في واقعة الفنانة هلا السعيد بعد إحالته إلى محكمة الجنح بتهمة ارتكاب فعل فاضح في الطريق العام مخلًا للحياء.

وفي نفس السياق، كانت هلا السعيد قد كشفت عن الواقعة في 22 مايو الماضي من خلال مقطع فيديو عبر حسابها الشخصي بموقع إنستجرام، قائلةً: "يعني أنا واقفة في محور الضبعة، علشان سواق أوبر اللي أنا كنت راكبة معاه فجأة وقف في الطريق ده كده، وفجأة قالي أصل العربية سخنت".

وتابعت: "ونزل من العربية، ببص ورا لاقيته بيفك الحزام بتاع البنطلون، نزلت أجري من العربية، فراح قالي متخافيش أنا بس عندي السكر، أنا لازم كل شوية أدخل الحمام، فمعلش متخافيش".

وأضافت: "طبعًا أنا نزلت وجريت وسبت العربية وسبت حاجتي في العربية، وطبعًا دلوقتي أنا في الشارع".

وأوضحت: "الحمد لله كنت بتكلم في التليفون، وبمجرد وقوفه اتصلت بحد من صحابي قلتله أنا بعتالك لايف لوكيشن، فهو ده اللي رعبه تقريبًا".

واختتمت: "يعني الحمد لله إني الصبح والحمد لله إني لسه قريبة من البيت".