غادة عبد الرازق عن «الفيديو الفاضح»: عملته بحسن نية.. وأنا غلطانة ولازم أعتذر

آخر تحديث: الثلاثاء 7 مايو 2019 - 5:40 ص بتوقيت القاهرة

محمد عبد الجليل

علقت الفنانة غادة عبد الرازق، على مقطع الفيديو الذي انتشر لها عبر مواقع التواصل الاجتماعي، وعرف بـ«الفيديو الفاضح»، معربة عن أسفها تجاه هذا الأمر.

وأضافت خلال لقائها مع برنامج «عايشة شو»، المذاع عبر فضائية «النهار»، مساء اليوم الاثنين: «ندمت جدًا، وأنا عملته بحسن نية واتاخد غلط، وكان توقيته بالنسبة لي غلط».

وتابعت: «أنا غلطانة، لأن لازم أحترم الجمهور بتاعي، ولما أكلمه، يبقى مش وأنا نايمة في السرير، ده مش أنا، مش غادة عبد الرازق، مش عارفة ساعتها كنت بفكر في إيه، ودي غلطة، ولو رجع بيا الزمن همحيها تمامًا من حياتي».

وأوضحت أنها لم تجبر على الاعتذار عن هذا الفيديو، معقبة: «محدش يجبرني على حاجة أبدًا، أنا غلطانة ولازم أعتذر، لأن الغلط بيجيب غلط، والاعتراف بالغلط هيخلي الناس تحترمك».