صورة أحمد سعد بالخلخال.. مفيدة شيحة: لازم نحترم إن ده شغل
آخر تحديث: الثلاثاء 9 يوليه 2024 - 4:24 م بتوقيت القاهرة
هديل هلال
علقت الإعلامية مفيدة شيحة، على الصور الأخيرة للفنان أحمد سعد، والتي ظهر فيها مرتديًا خلخال بقدمه.
وقالت خلال تقديمها لبرنامج «الستات»، المذاع عبر فضائية «النهار»، مساء الثلاثاء: «الناس بتتكلم كأنه عمل مصيبة كبيرة، الصور دي ضمن فوتوسيشن أنا متأكدة.. لازم نحترم إن ده شغل»، بحسب تعبيرها.
وعن ارتداء الفنان عمرو دياب لحلق، أشارت إلى أن كل شخص حر فيما يفعله، مضيفة: «دول ناس بتشتغل في الميديا وعندهم من الجرأة والشخصية إنهم يقرروا إنهم يكونوا مختلفين».
وأضافت: «ده مش معناه إنهم قلبوا، أحمد سعد زي ما هو المصري ابن البلد، لكن شغلته تحتم عليه ستايل بشكل معين، لأنه بيخاطب كل جمهور الوطن العربي».
من جهتها، أبدت الإعلامية سهير جودة، تحفظًا على إطلالة الفنانين خاصة أنها لا تتماشى مع ثقافة المجتمع المصري، قائلة إن المسئولين عن الإطلالة يجب ألا يصدموا الجمهور بهذا الشكل.
وأكمل: «الستايلست لازم ينتبهوا إني مصدمش لناس أوي كده، لما أي حد بيلبس حلق أنا بتخض، أنا مش مع عمرو دياب في قصة الحلق، لإن اللي بيلبسه من الرجالة بيقل كتير في نظري».