عد تجديد الثقة له في دار إقامة الفنانين.. مجدي الهواري: محمود عبدالغفار شخص جدع واللي معاه مش بتاعه

آخر تحديث: الخميس 10 أبريل 2025 - 2:18 م بتوقيت القاهرة

تحت عنوان "بوست في حب محمود عبدالغفار" نشر المخرج مجدي هواري عبر حسابه بموقع فيسبوك، كلمة يشيد فيها بالفنان محمود عبدالغفار المبتعد منذ سنوات طويلة عن الفن، وتفرغه في الفترة الأخيرة لإدارة دار إقامة كبار الفنانين، والذي تعرض لحملة هجوم مؤخرا بزعم وجود مشاكل عديدة بالدار، وهو ما دفع نقيب الممثلين الدكتور أشرف زكي رئيس مجلس إدارة الدار، لعقد مؤتمر صحفي داخل مقر الدار بمدينة السادس من أكتوبر مؤخرا، بصحبة عدد من أعضاء مجلس النقابة، لتجديد الثقة فيه ودحض هذه الاتهامات، الأمر الذي أثار بكاء عبدالغفار بشكل أثار حالة تعاطف شديدة معه، خاصة بعد إشادة المقيمين بالدار بالدور الكبير الذي يلعبه لتوفير كل سبل الراحة لهم.

وقال الهواري: "ياجماعة عايز أكتب بوست في حب محمود عبدالغفار، وعلشان أصنف اللي بكتبه لكي لا يفهم غلط! هو عتاب ولوم أصدقاء ليس إلا، وأعتقد أنه هيبقى مفيد لهذا الشخص الخلوق والصديق الوفي لكثير من أصدقاءنا في الفن بمصر من جيلنا وبدون ذكر أسماء خالص، واللي أعرفه من عشرات السنين وعرفني عليه هولاء الأصدقاء".

وتابع، "فضلنا معارف فترة وبعد كده بقينا أصحاب على خفيف، وكان على صلة بهولاء من قبل أن أعرفه بكتير، وبعضهم كانوا عايشين معاه في الوقت ده في بيت واحد".

وواصل: "انطباعي عنه أنه شخص طيب وجدع وخجول وكريم واللي معاه مش بتاعه، وعلشان صحابه يعمل أي حاجة.. تاني علشان صحابه، كان بجد عشري وابن حلال، كان صديقا مشتركا بيني وبين صحابنا دول، وكان على طول بنروح عنده في البيت نسهر ونلعب ونتكلم ونتخانق ونتصالح ونصفي النفوس وكلنا عشنا في البيت ده، عقود وأفلام ونجاحات وإخفاقات قدام عنيه، وهو بيخدم على كل ده بحب علشان صحابه وبدون مقابل، جدعنة صحاب من أيام العجمي وكلنا بردو كنا بنسهر عنده كل يوم".

وأكمل: "أنا عارف أن بعض الأصدقاء بتسأل عليه وواخدة بالها منه، وفيه نجوم كمان جنبه طول الوقت، شكرا على ده بس لا شكر على واجب، بجد ده واجب علينا كلنا أنا شخصيا، وحالف كمان مقولش حاجة تحرج الراجل لأنه أصلا خجول وكرامته أهم حاجة بدليل أنه عمره ما كلم حد يطلب حاجة".

وأضاف، "بس الفيديوهات لازم نشوفها كلنا طبعا.. شكرا أشرف زكي على ما فعله وأنجزه ومازال يوزع مجهوده ومجهود مجلس إدارة النقابة، جزاكم الله كل خير في السراء والضراء، ومشروع هام جدا والناس كلها هناك متكرمة وزي الفل وكتر ألف خير الجميع بس الجانب المعنوي إيه يا أصحابنا!!".

وختم كلامه: "المهم مش هقول حاجة أبدا تجرح كرامة هذا الصديق القديم مهما كانت بسيطة، هما فاهمين كويس أوي أنا أقصد إيه، وأكيد شافوا الفيديوهات اللي أنا شفتها.. وخلاص سلام عليكم، بحبك يامحمود، أنت واد جدع وده كان رأي علاء ولي الدين فيك".

يشار إلى أن الفنان محمود عبدالغفار مثل في العديد من الأعمال السينمائية والتليفزيونية، من أهم أدواره: دور جواني في فيلم "رشة جريئة"، ولولو النحس في فيلم "بلية و دماغة العالية"، وصلاح جاهين في مسلسل "العندليب".

وكان من الداعمين لعدد من النجوم في بداية ظهورهم في مقدمتهم محمد هنيدي، وأشرف عبدالباقي، وعلاء ولي الدين وغيرهم.