مرتضى منصور: اللاعب في الزمالك بمليون واحد في الأهلي

آخر تحديث: الثلاثاء 10 مايو 2022 - 1:49 م بتوقيت القاهرة

الشروق

رفض مرتضى منصور، رئيس نادي الزمالك حملات الهجوم على لاعبي فريقه لكرة القدم، مُشيرًا إلى أن "اللاعب في الزمالك بمليون واحد في الأهلي".

وقال مرتضى منصور في تصريحات بمقطع فيديو نشره عبر حسابه على موقع يوتيوب: "في الدوري المصري نحن أصحاب الصدارة، والمدرب عندما تسلم الفريق كنّا في المركز السادس أو السابع".

وأضاف: "لدي عتاب على بعض المحبين، فهناك من يجلد كل لاعبي الزمالك لكرة القدم، (انت زعلان من طارق حامد وأبو جبل وبن شرقي، خليك في دول) ".

وتابع:" (الفريق بتاعك دعمه، عمال تجلده ليه ؟ وبتقولوا شوية عيال ولاعيبة الأهلي رجالة، لأ، اللاعب في الزمالك بمليون واحد من بتوع الأهلي) ".

وأكمل:" (عارف ليه ؟ عشان انت الاول من غير حكام، الأول من غير فار، الأول من غير جماهير، انت بيدخلك 100 واحد بالكتير، وهما بيدخلهم في ماتشاتهم 5 آلاف) ".

وواصل:" (في البطولة الإفريقية اللي انت زعلان عليها. والوزير سامعاني وكنت لسه باعاتبه لسه امبارح، كنت بقوله يافندم طب 10 آلاف، قالي هما 5 آلاف متفرج، منهم 1000 ألف يتقسموا بين الوداد والاتحاد الإفريقي) ".

وأكمل:" (الجماهير اللي ورا الأهلي تحرك الحجر، لأ حرام، متظلمش لاعيبتك، مع احترامي للأهلي ولاعيبته، لكن عندي لاعيبة أرجل 100 مرة، وانت عارف ان بطولة 2020 راحت بفعل فاعل) ".