بينها السيارات والشوكولاتة.. الرئيس السيسي: إنتاج هذه السلع محليا يساعدنا على تجاوز أزمة الدولار

آخر تحديث: السبت 12 أكتوبر 2024 - 3:52 م بتوقيت القاهرة

هديل هلال

علق الرئيس عبدالفتاح السيسي، على التكلفة التي تكبدتها الدولة المصرية في الفترة ما بين 2014 و2023 لاستيراد مجموعة من المنتجات.

وأضاف ضمن فعاليات افتتاح محطة قطارات صعيد مصر، اليوم السبت: «الناس اللي شغالة في المجال النهاردة بتستسهل، بدل ما يصنع المنتج في مصر ويدخل في متاهات مع أرض وتمويل ونقل تكنولوجيا من لخارج لإنتاج المنتج، يقول أشتريها أسهل، والدولة محاولتش تشتغل بجدية وصلابة وصرامة».

وأكمل: «ده كلام بقوله عشان نعرف إن الحلول في إيدنا إحنا كمصريين ورجال أعمال، أمامنا فرصة عمل لإنتاج هذه المنتجات داخل مصر وبيعها وزيادة الناتج المحلي ويمكن فيها شوية ضرائب للدولة، يا ترى ده أسلم ولا نستوردها من برا؟!».

ونوه أن تكلفة استيراد السيارات من الخارج 25 مليار دولار، مستنكرًا: «يعني معقول مش قادرين نخلي شركات السيارات تنتج سيارات عندنا تكفي الطلب المحلي، ونستورد برضه نسبة بس مش كله».

واستطرد: «لو عاوزين تتجاوزوا التحدي بتاع الدولار لازم هذه المنتجات ونسبة كبيرة منها يتم تصنيعها في مصر، وده أمر مش سهل، لكن إحنا مدعمين الحكومة بكل الدعم لخروج تلك المنتجات أو جزء منها في أقرب فرصة».

واختتم: «في حاجات لما تسمعوها تقولوا ياه بنجيب عطور وحاجات من هذا القبيل ومش قادرين نعملها في مصر، مش عارفين نبني مصانع تعمل شوكولاتة للناس؟».

ويفتتح الرئيس عبدالفتاح السيسي، اليوم السبت، محطة قطارات صعيد مصر- محطة بشتيل، بحضور الدكتور مصطفى مدبولي، رئيس مجلس الوزراء، وعدد من الوزراء وكبار المسئولين.

ويبلغ إجمالي مساحة محطة بشتيل 239 ألف متر مربع تقريبًا بما يعادل 57 فدانًا، وتبلغ الطاقة الاستيعابية للركاب بالمحطة 250 ألف راكب يوميًا.