بتعليق صوتي لـ يحيى الفخراني.. الرئيس السيسي يشاهد فيلما تسجيليا عن حرب أكتوبر

آخر تحديث: الإثنين 14 أكتوبر 2024 - 2:45 م بتوقيت القاهرة

هديل هلال

شاهد الرئيس عبدالفتاح السيسي، فيلمًا تسجيليًا ضمن فعاليات الندوة التثقيفية الـ40 للقوات المسلحة، بمناسبة الذكرى الـ51 لنصر أكتوبر المجيد.

وعلّق الفنان يحيى الفخراني، صوتيًا على الفيلم، قائلًا: «بعد هزيمة يونيو 1967 ظن أعداءنا إن مصر خلاص راحت ومش ممكن ترجع تاني، انهار الجيش وخارت قواه نتيجة هزيمة هو مكنش سبب فيها لكن كان أحد ضحاياها، ومكتفاش العدو باحتلال سينا وكشف عن وجهه الحقيقي باستهداف أهلنا سكان مدن القناة».

وأضاف: «اكتشفنا المعدن الحقيقي للشعب المصري اللي مبيظهرش إلا وقت الأزمات والشدائد، طوابير من المصريين تتبرع لصالح المجهود الحرب، وبدأت سلسلة من العمليات العسكرية اللي أكدت للعدو إن وجوده على أرض سيناء مؤقت ومش هيطول».

وأكمل: «وبدأت مصر حرب الاستنزاف اللي كان الغرض منها إعادة الثقة للمقاتل المصري في نفسه وسلاحه، وعشان يعرفوا إننا مش ممكن نرتاح أو يهدى لنا بال إلا لما نرجع أرضنا لحضننا من تاني بدأنا مجموعة من العمليات المتتالية جوا ميناء إيلات».

واستطرد: «واستمرت معارك الاستنزاف التي حققت خسائر كبيرة في العدو، حاول تحطيم معنويات الشعب المصري وتنفيذ مجموعة من العمليات العسكرية في العمق بس رد جيشنا كان شديد أوي عليهم».

ويشهد الرئيس عبدالفتاح السيسي، مساء اليوم الاثنين، الندوة التثقيفية الـ40 للقوات المسلحة، بمناسبة الذكرى الـ51 لنصر أكتوبر المجيد.