السيسي لـ«محمد فؤاد»: بفكرك إننا قولنا هنموت ومش هنسيبكم وأدينا نفذنا عهدنا

آخر تحديث: الخميس 15 مارس 2018 - 2:15 م بتوقيت القاهرة

القاهرة - أ ش أ

أكد الرئيس عبدالفتاح السيسي أن مصر أصبحت دولة قوية صامدة وقادرة على المضي قدما، وذلك بفضل ثمن الدماء التي دفعها أبطالها الشهداء من قوات الجيش والشرطة الذين لم يتخلوا عن مصر وشعبها أبدا.

ووجه الرئيس حديثه للفنان محمد فؤاد عقب الانتهاء من أغنيته بعنوان "هو ده" خلال الندوة التثقيفية الـ 27 للقوات المسلحة في ذكرى يوم الشهيد: "أنا بفكرك يا أستاذ محمد وبفكر المجموعة اللي كانت متواجدة في مسرح الجلاء فى 2013، وقالوا احنا خايفين الجيش والشرطة يتخلوا عننا، أنا بفكركم إننا قولنا هنموت ومش هنسيبكم وأدينا نفذنا عهدنا".

وتابع الرئيس قائلا:" انتوا كمان عليكم عهد لينا واحنا أنجزنا وعدنا، وانتوا عليكم وعد لينا يجب عليكم أن تنجزوه، زى ما احنا ماتخلناش عنكم انتوا كمان ماتتخلوش عنا ومش بالحب بس، كلنا بنحب مصر بس إحنا لما حبينا بلدنا قدمنا أرواحنا عشانها، مصر أحسن منى وأحسن من أى حد ".

وشدد الرئيس " أنا بفكرك وبفكر المصريين جميعا بالأيام الصعبة والظلمة الكثيفة اللي عدت علينا ووقتها كانت الدولة بتضيع وكنا مهددين بحرب كبيرة، بس دلوقتى الدولة بقت قوية وصامدة وقادرة بإذن الله وبفضل ثمن دماء الأبطال الـ استشهدوا، وبفكرك تانى انتوا لسه عندكم عهد ياريت تكملوه".