إكرامي: انتقال اللاعبين احتراف وليس خيانة

آخر تحديث: الثلاثاء 15 أبريل 2025 - 1:39 م بتوقيت القاهرة

أمير نبيل

رفض شريف إكرامي حارس مرمى الأهلي السابق وبيراميدز الحالي، الاختلاف حول مسمى انتقال بعض اللاعبين بين الأندية المتنافسة.

ويرى إكرامي أن بعض إدارات الأندية تغزي مفاهيم التعصب لدى الجماهير من خلال تعزيز إطلاق مصطلح "خيانة" على انتقال لاعب، في حين ترى أطراف أخرى أنه عصر الاحتراف.

وقال إكرامي عبر "إكس": "نفس القرار ممكن يتقال عليه خيانة من لاعب واحتراف من لاعب تاني مش علشان التصرف مختلف، لكن علشان القميص اختلف.. الأحكام بقت حسب المزاج والمصلحة، مش المبدأ."

وأضاف: "تسمع نفس الأشخاص بيقولوا عكس أحكامهم القديمة و التبرير بقى فن بيتفصّل على مقاس الانتماء مش على مقاس الحقيقة".

وتابع: "الإدارات بتوجه، والإعلام بيغذي العاطفة، والجمهور في النُص ضحية الجميع.. الاحتراف مش كلمة تتقال حسب المصلحة ولا تتشال وقت الغضب، ده الواقع وأساس اللعبة".

وواصل إكرامي: "زي ما النادي حر، اللاعب كمان حر، قراره صح او غلط مش مهم لان مش ده الموضوع، الاهم ان الاختلاف في القرار لا عمره كان خيانة ولا قلة أصل ولا ليه علاقة بضعف أو قوة الانتماء".

واستطرد قائلا: "الموضوع مش قرارات اللاعبين أو الأندية.. اللي محتاج يتغير هو النظرة، طريقة التفكير، والأحكام على القرارات نفسها."