حلا شيحة عن عودتها مرة أخرى للتمثيل: الحجاب مش لوحده هو اللي هيخليني أقرب لربنا

آخر تحديث: الإثنين 18 مارس 2024 - 8:12 م بتوقيت القاهرة

هديل هلال

قالت الفنانة حلا شيحة، إنها شعرت للمرة الأولى أن نمط حياتها مغاير لما ترغب فيه كانت قبل ارتدائها للحجاب، مشيرة إلى أنها تربت على حب الله لكنها لم تتربَ عن وجود أمور صحيحة وخاطئة.

وأضافت خلال لقاء لبرنامج «ع المسرح»، الذي تقدمه الإعلامية منى عبدالوهاب عبر فضائية «الحياة»، مساء الاثنين: «لما بدأت أسمع حاجات في الدين قلت الله حلو الواحد يعمل كده وحلو الواحد ميعملش كده وعاوزة أصلي، دي كانت أول المرات اللي عاوزة أغير فيها حاجات للأحلى والأقرب لربنا».

وأشارت إلى أن والدتها كانت تتقرب إلى الله من خلال الطبيعة، وكانت دائمًا ما تخبرهم بأن الله خلق السماء والزرع، وهو ما نمّا فيهم حب الله منذ الصغر.

ولفتت إلى أنها كانت تحب التأمل في السماء منذ الصغر وتتحدث مع الله، مضيفة: «وأنا صغيرة كنت بسرح كتير أوي وأتأمل مع السماء وأقول يا رب أنا عارفة إنك موجود بس أنت فين، ولما كبرت كنت شايفة إن الحجاب صح لكن مش قادرة وبقول يمكن الغلط ده عندي».

وذكرت أن الحجاب جزء من المجتمع العربي، مستطردة: «كل واحد له مطلق الحرية إنه يعمل اللي هو حاسه، والحجاب خطوة لازم تيجي وأنتِ حساها جوا من قلبك عشان تقدري تعمليها بصدق».

وأوضحت أن الحجاب خطوة تقرب أحيانًا من الله لأنها تجعل الإنسان داخل الحالة الروحانية، قائلة إنها عندما قررت العودة إلى التمثيل في المرة الثانية كانت لديها قناعة بأن الحجاب ليس بمفرده العامل الوحيد الذي يقرب العبد من ربه.

وأكملت: «إني أبقى قريبة من ربنا أحلى حاجة في الدنيا، لكن مش هو ده (الحجاب) لوحده اللي هيخليني أقرب، ربنا معانا طول الوقت وممكن العبد يكون مع ربنا طول الوقت لو هو عاوز سواء بالحجاب أو من غير الحجاب.. الحجاب لازم تبقى حاسة حاجة من جوا، وأنا مش حاساها دلوقتي، لكن حبي لربنا وتعلقي بيه هو هو».