مشادة كلامية بين حلمي عبد الباقي والشاعر خالد تاج الدين بسبب ترافيس سكوت

وكانت البداية مع الشاعر الغنائي خالد تاج الدين حيث كتب عبر حسابه: "هى نقابة الموسيقيين مالها ومال حفل موسيقي عالمي !! حتى لو على أرض مصرية أنت وظيفتك موسيقيين بلدك فقط، إنما تلغي حفلة عالمية عندنا دي من اختصاص وزارة السياحة او الداخلية".

وأضاف: "يا عم احنا بلد سياحي المفروض، عمركوا ما هتبقوا زي دبي والرياض واسطنبول طول ما مصطفى كامل كلمته ماشيه على البلد كلها".

ورد عليه حلمي، عبر حسابه الشخصي: "أنا عاوز أقول حاجة، وأنا مبعرفش أقول كلام واداري، أصل أول حرف من اسمه كذا، أنا بتكلم علطول استاذ خالد تاج الدين الشاعر، أولا أنت ملكش دخل أصلا بنقابة الموسيقيين، ثانيا لما تتكلم وأنت مش فاهم، أنت عارف الناس بتسمي الشخص ده إيه،
ثالثا أنا مش عارف أنت شاغل نفسك بالاستاذ مصطفى كامل ليه؟، يا ترى كنت بتحلم إنك تحقق نجاحات زي اللي حققها ومعرفتش، فده سببلك حالة نفسية تجاه مصطفى كامل ولا إيه بالظبط".

وتابع: "بجد مش عارف أسمي تدخلك وكلامك على مصطفى كامل إيه خلي الناس ترد، رابعا لو حضرتك شايف إن في بلاد أفضل من مصر، واحنا مش هنقدر نعمل زيهم تقدر تروح تقيم هناك وتبقي ريحت واستريحت، خامسا وأخيرا أنت بتروج إن مصطفى كامل بيمشي كلامه على الدولة، تبقى الدولة اللي تتصرف معاك، ياريت بقى تبطل تتكلم وأنت مش فاهم حاجة، وأسف على الإطالة".

وكانت نقابة المهن الموسيقية برئاسة النقيب مصطفى كامل، أعلنت سلفا إلغاء الترخيص الصادر لإقامة هذا النوع من الحفلات بحجة تعارضه مع الهوية الثقافية للشعب المصري، ناسبا لمغني الراب أنه من داعمي الماسونية العالمية وتيار الأفروسنتريك.

لم ينته الموضوع عند هذا الحد، حيث عاجله الشاعر خالد تاج الدين بالرد، وكتب عبر حسابه: "هو الحقيقي بقى يا أستاذ حلمي، أنا ومصطفى كامل عملنا نجاحات ممكن حضرتك مع احترامي يعني متكونش وصلتلها".

واستطرد: وده ميقللش من حضرتك خالص، وأنا نفسي عملتلك أغنيه قبل كده، واتصورت كليب كمان، لكن نجحت بصوت تامر عاشور بعد كده لما غناها في بيتهم على كومبيوتر بربع جنيه!!

وقال: حضرتك دخلت نفسك في كلام ميصحش يتقال لأني وجهت الكلام لمصطفى كامل.

وعاد ليواصل هجومه: أه بالحق أنا بنفسن من مصطفى كامل !! راجع بس cv خالد تاج الدين هتعرف هو مين ولو إني عارف انك عارف.. أسف للإطالة أستاذنا القدير.