«عيب ولا يليق».. رسالة نارية من إسماعيل يوسف لـ زيزو بعد المحضر ضد الزمالك

آخر تحديث: السبت 19 أبريل 2025 - 1:11 ص بتوقيت القاهرة

زيـاد الميرغني

يرى إسماعيل يوسف، نجم نادي الزمالك السابق، أن اللغط الحادث مؤخرًا بشأن أحمد مصطفى زيزو نجم الزمالك مع ناديه وتقدم اللاعب بشكوى، يتحمل اللاعب الأمر بالكامل وليس النادي.

وقال إسماعيل يوسف في تصريحات تليفزيونية عبر شاشة «إم بي سي مصر 2»: «زيزو يتحمل الأمر بالكامل في الأزمة الحاصلة، لأن طريقة إنهاء اللاعب علاقته بالزمالك لا تليق باسم نادي الزمالك وجمهور نادي الزمالك وما قدمه جمهور نادي الزمالك لزيزو».

وأضاف: «زعلان منه جدًا، وشخصيته الفترة الأخيرة اتغيرت، وكان مفروض يبلغ الزمالك إنه مش هيكمل، ولكن إنك تعمل محضر لنادي الزمالك وجمهوره اللي شالك الـ6 سنين اللي فاتت».

وأكمل: «انا شايف إنه كان يبقى صريح مع الزمالك ويقول مش هكمل، وبعدين نادي الزمالك ممنعهوش من التدريب، والكلام اللي بيتقال إنه خايف هو خايف من إيه محدش هيتعرضله أكيد».

وأردف: «ما حدث في الصورة كان خطأ فردي والعامل اتعاقب والصورة رجعت تاني، ولكن الزمالك ما يستاهلش اللي حصل ده من زيزو عيب ولا يليق».