منة فضالي تعلن اختفاء مساعدتها في ظروف غامضة

آخر تحديث: السبت 21 يناير 2023 - 11:55 ص بتوقيت القاهرة

نشرت الفنانة منة فضالي، صورة المساعدة الخاصة بها عبر حسابها الرسمي بموقع التواصل الاجتماعي "فيسبوك"، معلنة اختفائها في ظروف غامضة.

وكتبت منة فضالي: "صباح الخير عليكم جميعا، أنا للأسف في موقف مش عارفة أتصرف، المساعدة بتاعتي اختفت وهي جاية لي على التصوير من أول إمبارح، وكل ده أهلها بيدورا عليها في المستشفيات والأقسام، وآخر حاجة كانت راكبة وكانت جيالي على المدينة، بعدها تليفونها اتقفل من الساعة ٦ المغرب وفتحت دقيقة الساعة ١٢ بليل معرفناش نعمل حاجة واستنينا يعدي ٢٤ ساعة علشان نعمل محضر".

وتابعت: "بعض المستشفيات هي مش موجودة فيها والواضح أنها اتخطفت، وحقيقي أنا مش عارفة أعمل حاجة ودي أول مرة معرفش أتصرف، فاللي يقدر يساعدني يبقى كتر خيره هي ساكنة في الزاوية، وللأسف معنديش تفاصيل لا رقم العربية؛ لأنها كانت مش ظاهرة ولا أي حاجة".

يذكر أن منة فضالي تواصل حاليا تصوير دورها بمسلسل "جعفر العمدة" أمام الفنان محمد رمضان، من تأليف وإخرج محمد سامي، ومتوقع عرضه بموسم رمضان المقبل.