«السيسي» عن وزير الكهرباء: «الرجال لازم يقفوا جنب رجالتهم ويساعدوهم»

آخر تحديث: الثلاثاء 24 يوليه 2018 - 2:25 م بتوقيت القاهرة

نور رشوان

توجه الرئيس عبد الفتاح السيسي، بالشكر للدكتور محمد شاكر، وزير الكهرباء والطاقة المتجددة، على الإنجازات التي حققها في قطاع الكهرباء، خلال السنوات الماضية.
وقال «السيسي»، في كلمته خلال افتتاح عدد من المشروعات القومية في قطاع الكهرباء، اليوم الثلاثاء، «وقت الأزمة عام 2014، بعض الناس قالت لي شيل الدكتور شاكر، وضحي بيه، ويشيل هو المشكلة لوحده»، مضيفًا: «الكلام ده لا يليق بالشرفاء».
ووصف «شاكر» بالإنسان العظيم، قائلًا: «مينفعش يبقى معايا إنسان عظيم ومحترم وفاهم شغله وأضحي بيه عشان أنا أعيش، والكلام ده لا يليق بالرجال اللي لازم يقفوا جنب رجالتهم ويساعدوهم».
ويفتتح الرئيس عبد الفتاح السيسي، اليوم الثلاثاء، عددًا من المشروعات القومية في مجال الكهرباء، تشمل ثلاث محطات، في العاصمة الإدارية وبني سويف والبرلس، بحضور الدكتور مصطفى مدبولي، رئيس مجلس الوزراء، والدكتور محمد شاكر، وزير الكهرباء، وعدد من الوزراء الآخرين والمسؤولين في الدولة.