ريهام سعيد عن تعليقات الجمهور حول مرضها: «اشمعنى طول الوقت يتقال إني كذابة؟»

آخر تحديث: السبت 27 يوليه 2019 - 11:38 م بتوقيت القاهرة

محمد عبد الجليل

أعربت الإعلامية ريهام سعيد، عن استنكارها من رد فعل الجمهور حول العملية الجراحية التي خضعت لها مؤخرًا، قائلة: "مستغربة ليه الناس مهتمة أوي تعرف أنا عندي إيه بالظبط؟ اشمعنى أنا طول الوقت بيتقال عليا كذابة؟".

وأضافت خلال مداخلة هاتفية لبرنامج "الحكاية"، المذاع عبر فضائية "إم بي سي مصر"، مساء السبت: "جالي ميكروب في حتة اسمها مثلت الموت في منطقة العينين والأذنين، والدكاترة متفقوش جيه منين".

واستطردت: "الدكاترة قالوا إنهم لازم يتصرفوا بسرعة، والمناعة عندي ضايقة فقالوا لازم نشيل مناخيرك خالص، ولازم تهيأي نفسك إنك هتعيشي من غير مناخير 7 شهور، ومش هتبصي في المراية ومش هتقابلي حد".

وأردفت: "اضغطت نفسيًا جدًا وكنت منهارة، ودخلت غرفة العمليات، وصحيت لقيت مناخيري موجودة، والدكاترة قالوا إحنا أخدنا ريسك وخدوا الغضاريف اللي في وداني، وبنوا بيها مناخير، وقالوا لو عدى الشهر وأنت خفيتي يبقى ربنا عمل معجزة، ولو مخفتش هنشيلها تاني".