الرئيس السيسي: من حكمة ربنا إننا منبقاش شايفين كل حاجة
آخر تحديث: الأربعاء 28 فبراير 2024 - 1:31 م بتوقيت القاهرة
هديل هلال
قال الرئيس عبدالفتاح السيسي، إن احتفالية «قادرون باختلاف» مهمة جدًا، معقبًا: «ده يوم بنعيش عليه السنة كلها».
وأضاف في كلمة ضمن فعاليات النسخة الخامسة من احتفالية «قادرون باختلاف»، اليوم الأربعاء: «إحنا في عالم الحقيقية فيه مش واضحة، ودي حكمة ربنا إننا منبقاش شايفين كل حاجة، لكن في يوم تاني هنشوف كل حاجة لو طال أو قصر الزمان جاي».
وأكمل: «يتبقى كل عمل طيب الناس تعلمه لنفسها أو لغيرها، ونعتبر أن اليوم ده احتفال ده فرصة لنا كلنا لحاجتين؛ الأولى إننا نشوف عظمة ربنا وقدرته في خلقه، وكمان الثمن المفروض نقدمه كشكر وتقدير للي إحنا فيه».
وتساءل: «يا ترى هنعمل إيه في اللي بنتكلم عنه ونحتفل بيه، هل هنزهق هنتضايق هنغض الطرف مش هنبص ولا نتصدى، ولا يبقى قلبنا على قلب بعض، ونساعد بعض ونقف على قد ما نقدر ونساهم بكل أمر وكلام وفعل وحتى موارد».
ويشهد الرئيس عبدالفتاح السيسي، صباح اليوم الأربعاء، احتفالية «قادرون باختلاف» لذوي الهمم وأصحاب القدرات الخاصة، في نسختها الخامسة، بحضور عدد من الوزراء وكبار المسئولين.