ميار الببلاوي عن مشاهدها الجريئة مع عمرو عبد الجليل: «رفضت أصورها وأنا صايمة»
آخر تحديث: الأحد 30 أكتوبر 2022 - 8:08 م بتوقيت القاهرة
تحدثت الفنانة والإعلامية ميار الببلاوي عن مشاهدها الجريئة في فيلم "ديسكو ديسكو" والتي جمعتها بالفنان عمرو عبد الجليل.
وقالت ميار الببلاوي خلال لقائها ببرنامج "قعدة ستات" الذي تقدمه الإعلامية مروة صبري على شاشة القاهرة اليوم: "الفيلم كله معظمه اتصور في رمضان، وأنا عندي عقدة من التصوير في رمضان رغم أني كنت شابة ولسه بلبس وكده، ولكن مشهد المايوه مكنتش عايزاه خالص، وإيناس الدغيدي مرمطتني ومسحت بيا الأرض لما لقيتني جيت بمايوه شورت كده وزعقتلي وقالتلي إمشي البسي المايوه التاني".
وأضافت ميار الببلاوي: "لكن مشهدي الجريء مع عمرو عبد الجليل كنا في رمضان وكنت رافضة أصوره لدرجة دخلت الحمام وفضلوا يخبطوا عليا، كنت مستنية بس المغرب يأذن كنت بقول حتى لو هعمل حاجة غلط ميكنش في الصيام أكون بس فطرت".