ميار الببلاوي تكشف عن نصيحة نجلاء فتحي لها لتصوير مشهد جريء أثناء شهر رمضان

كشفت الفنانة ميار الببلاوي، عن نصيحة الفنانة نجلاء فتحي لها خلال تصوير فيلم "ديسكو ديسكو"، بعد رفضها تقديم أحد المشاهد الجريئة مع الفنان عمرو عبدالجليل في نهار شهر رمضان.

وقالت ميار الببلاوي، خلال لقائها مع برنامج "قعدة ستات"، الذي تقدمه الإعلامية مروة صبري، على شاشة القاهرة اليوم: "لما رفضت تصوير مشاهدي الجريئة مع عمرو عبد الجليل، في رمضان قعدت أعيط، وكنت صغيرة وقتها حوالي 17 سنة، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبياكلوش عشان قدام الناس الفقراء يعني".

واستكملت ميار الببلاوي حديثها: "يعني من الآخر رمضان بتاع الفقراء بس مش بتاع الناس العادية، إحنا عندنا أكل نصوم ليه؟.. قالتلي كده عشان كانت عايزاني أصور المشهد، وقالتلي الموضوع مش محتاج أنك تعطلينا، ومافيش حاجة اسمها رمضان".