ميدو: منتخب مصر بيشحت لاعبيه.. ما يحدث بجاحة!
آخر تحديث: الخميس 31 أغسطس 2023 - 12:34 م بتوقيت القاهرة
محمد مجدي عبدالله
انتقد أحمد حسام ميدو، نجم المنتخب الوطني ونادي الزمالك السابق، تعامل الأندية مع المنتخب الوطني، بالإضافة إلى بطولة الدوري الممتاز.
وغرد ميدو عبر حسابه الشخصي على شبكة التواصل الاجتماعي «أكس»:" والله العظيم نفسي أقاطع الدوري المصري ده كورة تعبانه وملاعب تعبانه ونقل تليفزيوني تعبان ولبس معظم الفرق تعبان ومعظم اللاعيبه بيروحوا عند حلاق واحد ".
وأضاف ميدو:" غير مقبول لا من الزمالك ولا من الأهلي ولا حتى مارسيليا انه يساوم المنتخب بلاعيبته وأي حد يطلع في الإعلام يقول غير كده يبقى ضلالي، الأولوية لمنتخب مصر، مصر فوق الجميع".
وأكمل نجم الزمالك السابق:" أنا كنت فاكر إن ليڤيل إن منتخب مصر يبقى بيشحت لاعيبته جاي بعد ٥٠ سنه وكان عندي أمل كبير ان إن شاء الله هموت قبل العمر ده لكن احنا اتطورنا بسرعة جدا الحمد لله احنا جامدين جدا".
وأكمل ميدو:" الموسم هيبدأ من غير أي تغيير في لائحة الانضباط والاخلاق والحاج قاعد على المكنه بيفصل أسابيع الدوري، الجديد بقى أن المنتخب بقى بيشحت لاعيبته والإعلام بقى بيبرر للكلام ده عادي!! دي بقى مرحلة جديدة من البجاحة!!".
وأردف:" عندي اقتناع تام إن في تعمد ان الكورة في مصر تفضل منتج رخيص لسبب ما انا مش عارفه!! لا يمكن يكون اللي بيحصل ده مش متعمد!!".
وأتم:" الموسم المحلي راجع تاني شوية اشخاص اتغيروا لكن نفس منهج الغباء ماتغيرش منه حاجه شايف أن في محاولة لتذكير الجماهير بمنهج الغباء..أوعوا تنسوا يالا انت وهو ان احنا فشله وأغبيا افتكر كويس انت بتتعامل مع مين!!".