قال الفنان حمادة هلال، إن أول أجر حصل عليه من الغناء في الأفراح كان 5 جنيهات: "أول أوردر عملته كسبت فيه 5 جنيهات، وكان ليا صاحبي هادي أبو اليزيد وهو شاعر كبير وكتب لي معظم الأغاني اللي نجحت لي".
وأضاف "هلال"، خلال حواره ببرنامج "أسرار"، المذاع على قناة النهار، أن كل هدفي كان الغناء فقط، ولم أفكر في أي أرباح، متابعا: "كنت بطلع أغني ببلاش ومكنتش عايز فلوس وكان المهم بالنسبة لي أغني وبعد كده أخذت 30 في40 وأول 5 جنيهات أخذتها جبت هدية لأمي كانت إيشارب ووالدي كان تعبان ودي من الحاجات اللي خلتني أبعد فترة عن الغناء".
وأوضح أنه مر بمحطات منها الغناء في الأفراح في الشوارع، متابعا: "اكتسبت منها الجانب الإيجابي وتعلمت من السلبي وشوفت اللي مشي في السلبي حصل له إيه وممكن أكون في غناء الأفراح عيشت في الزاوية الحمراء وما زال صحابي وحتتي هناك لكن أنا اتولدت في الشرقية".