يرى أحمد حسام "ميدو" نجم نادي الزمالك السابق، أن سبب تذبذب مستوى محمد عواد حارس مرمى الفريق الأبيض، هو عدم شعوره بالاستقرار وغموض الرؤية بشأن مستقبله مع النادي.
وقال ميدو عبر "إكس": "في ازمة حقيقية في مركز حراسة المرمى في نادي الزمالك.. الاخطاء اللي بيعملها عواد مالهاش علاقة بمستواه الفني لأني دربته قبل كده في الاسماعيلي وفي الوحدة وعارف كويس ان مستواه افضل بكثير من المستوى اللي بيقدمه دلوقتي مع الفريق.
وتابع: "مشكلة عواد الحقيقية انه لغاية دلوقتي ماحدش عقده ومايعرفش السنة الجاية هيكون فين وده واخد جزء كبير من تفكيره ومن تركيزه!! هي دي شخصية عواد لازم يحس انه نمره واحد وان مستقله في أمان ساعتها. هيحاول لحارس تاني خالص!".
وأضاف ميدو: "لو قرر الزمالك عدم التجديد لعواد فنصيحتي لجوميز لازم تشرك حارس مرمى تاني حتى لو ولد صغير لان استمرار الموقف كما هو عليه هيكلف الزمالك اسهل بطولة قارية ممكن يفوز بيها!!"