رفض النائب إيهاب منصور، رئيس الهيئة البرلمانية للحزب المصري الديمقراطي الاجتماعي الحساب الختامي للعام المالي 2023/2024.
وقال منصور خلال الجلسة العامة اليوم "نتكلم في حساب ختامي نتيجة لسياسات أدت للمشهد اللي إحنا فيه، الناس بره تكلم نفسها".
وأضاف "أول بند موجود في تقرير الجهاز سطر عدم صرف تعويضات لأصحاب المباني التي تم نزع ملكيتها"، واستطرد: "الحكاية دي في الدستور المصري المادة 35، الحكومة مخالفة الدستور اللي قال التعويضات تصرف مقدمًا مفروض اللي خالف يتحول للتحقيق".
وتابع منصور: "صناديق الحسابات الخاصة اللي اتقفلت فيها تحقيقات ولا مفيش؟، واللي نهبوا الفلوس اتعمل معاهم إيه؟".
وقال: "التأمين الصحي الشامل لديه أرباح 36 مليار جنيه، السنة اللي فاتت 30 مليار جنيه، حضراتكم بتحوشوا والشعب كله يعاني مش لاقي رعاية ولا حضانة؟!1".