شدد الرئيس عبدالفتاح السيسي، على أهمية مشروعات الطرق التي نفّذتها الدولة في الفترة الماضية.
وقال في كلمة ألقاها أمام قرية الأبعادية بمحافظة البحيرة، ضمن فعاليات افتتاح عدد من المشروعات ضمن مبادرة حياة كريمة، اليوم الأربعاء: «الناس بتقول إيه لازمة الطرق.. دي خطة.. ولو عاوزين تحاسبوا فيها حد، حاسبوا الدكتور مصطفى مدبولي.. لإنه هو اللي كان ماسك التخطيط العمراني للدولة وكان بيقول عاوز يعمل الكلام ده كله بس مش قادر».
وتابع مداعبا مدبولي: «أديك قدرت يا دكتور مصطفى وجايب لنا الكلام أهو».
كما تحدث الرئيس عبدالفتاح السيسي، عن معاصرة جيل 2011 للأحداث التي شهدتها البلاد.
وقال في كلمة ألقاها أمام قرية الأبعادية بمحافظة البحيرة، ضمن فعاليات افتتاح عدد من المشروعات ضمن مبادرة حياة كريمة، اليوم الأربعاء: «اللي بيتولى قلوب العباد هو رب العباد.. وكل واحد بياخد نصيبه».
وأضاف: «اللي بيتولى الأمور ربنا وإحنا مؤمنين إنه ماسك الدنيا ومهيمن عليها.. فخلينا مع ربنا».
ورأى الرئيس السيسي، أن الدولة تتحرك بما يفوق طاقاتها، مؤكدا أن الجهود تُبذل من المصريين وليس منه فقط.