تساءل الإعلامي أحمد شوبير حارس مرمى الأهلي ومنتخب مصر عن السر وراء تغيير نادي الزمالك لون قميصه المعتاد الأبيض واستقراره على خوض مباراة السوبر الأفريقي أمام الأهلي باللون الأسود.
وقال أحمد شوبير في تصريحات إذاعية صباح اليوم الخميس: «الأهلي هيلبس الزي التقليدي وتوقفت عند إن الزمالك هيلبس الزي الاسود طول عمرنا عارفين إن الزمالك بيلعب بالفانلة البيضا مش عارف الزمالك من أول الموسم ليه مش بيلبس فانلته حتى مباراتين افريقيا لعبهم باللون اللبني».
وتابع شوبير: «السؤال هنا، هل هناك نية إن اللون الأبيض ما يبقاش اللون الأساسي لنادي الزمالك كل واحد حر طبعا يختار اللون اللي هو عايزه بس اللون التاريخي لنادي الزمالك هو الفانلة البيضا أم خطين حمر حتى الأغاني بتقول كده».
وأضاف شوبير: «فهل فيه تغيير للفانلة؟ وهل ده له هدف معين ولا إيه..؟، أنا لعبت قدام الزمالك كتير واتفرجت عليه كتير ومتعود عليه بالأبيض ولا جايز ده نوع من أنواع التفاؤل يبقى طاقم أسود كامل».