قال الرئيس عبدالفتاح السيسي، إن تفكيك أي مؤسسة في 2011 كان له انعكاسات وتأثير عميق على الدولة واستقرارها ومستقبلها.
جاء ذلك خلال جلسة «السياسة الخارجية والأمن القومي»، وذلك في إطار مؤتمر حكاية وطن «بين الرؤية والإنجاز»، والذي يعقد في العاصمة الإدارية الجديدة، بمشاركة وزراء وسياسيين وشباب وإعلاميين وممثلين عن جميع فئات المجتمع.
وأضاف: «كل مؤسسة إنت فكيتها هتبقى عاوز ترجعها.. المسار بتاع إرجاعها مش سهل.. إنت حليت البرلمان، علشان ترجعه عاوز تعمل انتخابات، طاب فيه استقرار ولا مفيش.. طاب القوى السياسية جاهزة ولا مش جاهزة؟، طاب هتقدر تعمل انتخابات وعندك قدرة تمويلية ولا لأ؟.. إنت حليت المؤسسة في ثانية لكن استعادته مش في ثانية».
وتابع: «نفس الكلام مؤسسة الرئاسة.. إنت شيلتها، طاب عاوز ترجعها، ادخل بقى في مسار هل هنعمل الدستور الأول ولا البرلمان الأول ولا الرئاسة الأول وتدخل في متاهات في منتهى الخطورة خاصة في دولة عددها كبير وظروفها الاقتصادية صعبة جدا وفيه عناصر موجودة فاهمة غلط إن لما هتوقعها هتاخدها».
واستطرد: «هو مش فاهم لإنه مش متعلم إن اللي بيقع مينفعش يتاخد».
ويختتم مؤتمر «حكاية وطن» جلساته اليوم الاثنين، لليوم الثالث على التوالي بعد عرض الجلسات الهامة التي استعرضت إنجازات الدولة في مختلف القطاعات.