قررت النيابة العامة، اليوم الإثنين، إحالة 5 متهمين بفبركة واقعة اكتشاف أعمال سحر بإحدى الجبانات بمنطقة الخليفة تخص لاعب النادي الأهلي السابق مؤمن زكريا، إلى محكمة الجنح.

وحصلت الشروق على نسخة من نص تحقيقات النيابة العامة مع التُربي المتهم الأول في الواقعة وجاءت:

قال التربي في التحقيقات :" اللي حصل إنى شغال تربى في مقابر سيدى عقبة في الخليفة، وفى يوم كنت بزرع صبارة في الترب، مرة واحدة وأنا بحفر لقيت كيس بلاستيك فامسكته وفتحته عشان أشوف فيه إيه؛ ولقيت فيه لفتين، وبفتح أول لفة لقيت مكتوب فيها طلاسم وحاجات مش مفهومة، واللفة الثانية بفتحها لقيت فيها 3 ورقات بيض مكتوب عليهم كلام مش مفهوم وفيها صورة كابتن مؤمن زكريا والصورة مكتوب عليها بالأحمر كلام مش مفهوم ومتدبس فيها أكثر من دبوس مكتوب عليها بالأحمر".

وأضاف: "لما دا حصل قمت أنا ومحمد "المتهم الثاني" بتصوير الحاجات اللي لقيناها، واتصلت بمحمد.إ " المتهم الرابع"، قريبي وقلتله على اللي أنا شفته وساعتها هو قالى إنه يعرف حد هيوصلني بكابتن مؤمن زكريا، وبعد كده لقيت واحد اسمه مصطفى ومعاه واحد صاحبه وقالي إنه قریب مرات مؤمن زكريا، وطلب منى إنه يشوف الأعمال اللى أنا شوفتها في المدفن وأنا وريتهاله، وقالي إن مرات مؤمن زكريا هتتواصل معايا، وبعدها بيومين لقيت كابتن مؤمن زكريا ووالده، واتنين شيوخ ومصطفى وطلبوا مني أجيب الأعمال عشان يشوفوها وبعدها قعدو يطلبوا مني خل وميه وسلطانية على أساس إنهم بيفكوا الأعمال".

وذكر التُربي في التحقيقات: "الشيوخ طلبوا مني يشوفوا المكان اللى كان مدفون فيه السحر، وطلب مني أحد الشيوخ أن أحفر شوية كمان وطلع ساعتها من الحفرة اللي جنب التربة حتتين فخار وسلك وبعد كده حط زرعة الصبار وسقاها بمياه مقري عليها قرآن وبعد كدا مشيوا كلهم، وبعد كدا لقيت محمد.ع "المتهم الثاني" بيقولى إنه صورنا وإحنا بنفك العمل؛ فطلبت منه يمسح الفيديو اللي صوره عشان مينفعش نتاجر بمرض حد وبعد كدا اتفاجئت بالقبض عليا".

كانت وزارة الداخلية أكدت أنها رصدت تداول مقطع فيديو عبر مواقع التواصل الإجتماعى تناقلته عدد من القنوات، متضمناً عثور شخص على أعمال سحر أثناء قيامه بزراعة صبار أمام مقبرة خاصة بعائلة اللاعب مجدى عبدالغنى - الكائنة بدائرة قسم شرطة الخليفة بالقاهرة، عبارة عن أوراق وصورة للاعب مؤمن زكريا، مكتوب عليها بعض الطلاسم والعبارات غير المفهومة.

وأضافت الداخلية أن مديرية أمن القاهرة تمكنت من تحديد وضبط ناشر مقطع الفيديو المشار إليه، وتبين أنه عامل مدافن - مقيم بدائرة القسم - وبمواجهته اعترف باختلاقه الواقعة بالاشتراك مع نجله وشخصين آخرين وسيدة، تم ضبطهم عدا نجله، وتكثف الأجهزة الأمنية جهودها لضبط المتهم الهارب.

وكانت وزارة الداخلية أكدت الإسبوع الماضي، على أنها رصدت تداول مقطع فيديو عبر مواقع التواصل الإجتماعى تناقلته عدد من القنوات، متضمناً عثور شخص على أعمال سحر أثناء قيامه بزراعة صبار أمام مقبرة خاصة بعائلة اللاعب مجدى عبدالغنى - الكائنة بدائرة قسم شرطة الخليفة بالقاهرة، عبارة عن أوراق وصورة للاعب مؤمن زكريا، مكتوب عليها بعض الطلاسم والعبارات غير المفهومة.

وأضافت الداخلية أن مديرية أمن القاهرة تمكنت من تحديد وضبط ناشر مقطع الفيديو المشار إليه، وتبين أنه عامل مدافن - مقيم بدائرة القسم - وبمواجهته اعترف باختلاقه الواقعة بالاشتراك مع نجله وشخصين آخرين وسيدة، تم ضبطهم عدا نجله، وتكثف الأجهزة الأمنية جهودها لضبط المتهم الهارب.