أغلب الناس لما بتفكر تسافر، بتلاقي فيه وجهات معينة في دماغ الأغلبية إيطاليا، أسبانيا، انجلترا، وأغلبها لأنها وجهات مشهورة بتلاقي تكاليفها مش قليلة، فأنا النهارده حابب أكلمكم عن الـunbeaten path، الوجهات العبقرية الكتيرة حوالين العالم اللي الناس متعرفهاش، مبتروحهاش مع انها فيها من الجمال المبهر ما يغني عن الوجهات التانية كلها، وبالاضافة لدا، كلها في بلدان الإقامة فيها رخيصة جدا، هكلمكم النهارده عن 10 مدن ومعالم سياحية عبقرية فيها، حاول متموتش قبل ما تشوفها...

1- تجول مع النمور في حديقة كروجر البرية!

Kruger national park بجنوب أفريقيا أحد أروع الحدائق البرية حول العالم! فاكرين فيلم أفريكانو؟ هي فعلا بالجمال دا !

تكلفة السفر رايح جي لجنوب افريقيا لا تتخطى الـ4000 جنيها والإقامة في الهوستلز النضيفة من أول 12-20 يورو!

2-حلق بمنطاد فوق «كبادوكيا»

رغم أن تركيا تعتبر وجهة مشهورة ومفضلة وناس كتير بتروحها، لكن أغلب المعالم العبقرية اللي أعرفها عن تركيا مبشوفش الناس بتزورها !، الصورة اللي فوق دي رحلة بالمنطاد فوق منطقة المداخن الجبلية الشهيرة بـ«كبادوكيا»!، مملكة كبادوكيا في تركيا ليها تاريخ عريق ومشهور في الديانة المسيحية ومنها خرج "الآباء الكبادوكيين" المشهورين ، منطقة ليها تاريخ عريق مع الديانات والجمال.

الطيران لتركيا رايح جي ممكن يوصل لـ1300 جنيه رايح جي! تركيا وجهة رائعة بس لو رحت hit the unbeaten path

3-شاهد أسراب السلاحف الخضراء المقيمة حول المحيط برأس الجنز!

عارفين دا فين؟ عمان! من البلدان العربية الجميلة جدا جدا واللي نادرا أوي ما تسمع عن حد زارها، رغم إن السياح من حول العالم بييجوا شاطئ الشرقية لمشاهدة أسراب السلاحف الشهيرة هناك..

السفر رايح جي لعمان مش هيكلفك أكتر من 2000 جنيها، البلد جميلة وأهلها أجمل...

4-احضر مهرجان «برجنز»!

مهرجان «برجنز» الفني على ضفاف بحيرة كونستانس في النمسا !، مشهد مظنش إنك تحب تفوته!، فيينا والنمسا بشكل عام حقيقي من أجمل مدن العالم! رغم إن تكلفة الحياة في فيينا مش رخيصة اطلاقا، لكن تكلفة السفر والإقامة تعوض دا!

سفرك رايح جي لفيينا مايزيدش عن 2200 جنيها.

والهوستلز الجميلة الرخيصة في حدود الـ20 يورو

5-اتمشى على ضفاف «كيرانيا»!

لو مقلتلكش الصورة دي فين ممكن تفتكرها فينيسيا صح؟ لكن الحقيقة إن الصورة دي في قبرص ! الجزيرة المتوسطية الجميلة ذات التاريخ العريق !، مدينة هادية وجميلة وفيها معالم سياحية كتيرة تستاهل الزيارة!

الرحلة لقبرص بتخش في حوالي 2500 جنيه.. رايح جي!

6-شاهد غروب الشمس في سواحل «سانتوريني»!

مدينة سانتوريني اليونانية ببيوتها البيضاء الشهيرة وهدوئها العبقري وكرم العنب الشهيرة أحد اجمل الأماكن السياحية في حوض البحر المتوسط!

والإقامة في اليونان بشكل عام تكلفتها منخفضة كما أن السفر تكلفته لا تتجاوز الـ2600 جنيه.. رايح جي!

7-«باكاتبور» المحفورة في الخشب!

«نيبال» من البلدان الأسطورية! مليئة بالمشاهدات الخرافية، الصورة اللي فوق دي لمدينة «باكاتبور» الخرافية المحفورة في الخشب ومحاطة بتمثايل حجرية قديمة، نيبال مصنفة في price of travel كأرخص بلد على الإطلاق في العالم!

ودا بيعوض إن تذاكر طيرانها حوالي 4000 جنيها.. رايح جي !

8-اعمل هايكنج في «الشينكو تيرري»

بكتب الجزء دا وقلبي يتمزق! كنت مخطط للرحلة دي وأنا في إيطاليا لكن الظروف حالت دون اتمامها !، Cinque terre أو القرى الـ5 على ساحل «أمالفي الايطالي» الشهير أحد اشهر وأجمل الـHikes على الإطلاق!، لو سافرت إيطاليا متفوتهاش !

9-تجول في المدينة الزرقاء

مدينة «شفشاون» الزرقاء الجميلة في المغرب الشقيقة!، أحد أجمل وأروع الصور اللي بحبها وبحلم أزورها..

شفشاون تأسست في 1471 لإيواء مسلمي الأندلس بعد طردهم من أسبانيا، يمكن دا يكون سبب منطقي لروعة العمارة المحفورة في الجبل والملونة بالأزرق في كل مكان في الإقليم، أحد أجمل وأهدأ الأماكن في العالم.

خوض تجارب جديدة وجرب تعمل حاجه مختلفة عن أغلب الناس!، اللي بحاول أعمله إني أساعدكم توسعوا مدارككم في السفر، تجربوا حاجات جديدة وتخوضوا تجارب مختلفة! لو حد جرب حاجه كوول وجديدة ومختلفة in the unbeaten path، شاركنا في الكومنتات !

لاحظت أنهم 9 بس؟ يا ترى إيه رقم 10؟ نتكلم الأسبوع الجي...

تابعوني على نوّرني:

http://www.facebook.com/nawarny11

تابعوني على فيسبوك:

http://www.facebook.com/ze3r0