انتقد أحمد عبد القادر، لاعب النادي الأهلي الانتقادات التي تنال منه عبر صفحات وسائل التواصل الاجتماعي، مُشيرًا إلى أنه لا يلجأ لسياسة دفع الأموال من أجل الحصول على الإشادة.
وكتب عبد القادر عبر صفحته على موقع التواصل الاجتماعي فيسبوك موجهًا حديثه لبعض الصفحات المنتمية للنادي الأهلي: "جمهور الأهلي أكبر منك يا شوية هايفين، ياللي بتقبضو الفلوس علشان تعلوا ده وتوطوا ده".
وأضاف: "أنا موسم كامل ساكت مفتحتش بوقي ومش هفتح، بس فيه وقت لازم تتقوا ربنا فيه، جو الأدمن بتاعكو والفلوس اللي بتتوزع عليكوا وقدام عيني وحد عرض عليا اعمل حملات هجص ولقطة وهنعليك وهنخليك في السما دا مش عندي".
وتابع: "أنا ربنا بيكرمني علشان أنا عارف أنا بتعب ازاي، وهفضل طول عمري شريف مش بتاع ألف وألفين جنيه ابيع بيهم كرامتي، فبلاش انتو علشان انتو لا تمسو للنادي الاهلي بأي شيء".
وأكمل: "الاهلي أكبر نادي في العالم مش في مصر، فاللي انتو عاوزينوا ده مبعملوش، والاجازة يا انا يصفحاتكو اللي كلها نفاق ورشاوي".
وواصل: "بقولها لاخر مره انا بتاع شغل مش بتاع رشاوي، وبعدين لقطه ركز جو الملعب وسيبك منهم رد في الملعب، رد في الملعب ايه، ما تنضجو شويه، لما حد بياخد فلوس ويغلط فيك سنه كامله واكتر ويشتم اهلك تقولي رد في الملعب ولما ترد يقولك متركزش معاهم مين قال انهم فارقين معايا اصلا".