دافع المؤلف عمرو محمود ياسين، عن نفسه من الاتهامات التي وجهتها له الكومبارس برنسة عبد الغني، والتي تداولتها بعض المواقع الإخبارية.
وكتب عمرو، عبر حسابه بموقع التواصل الاجتماعي فيسبوك: "النهاردة لقيت الخبر ده (برنسة عبدالغني: عمرو محمود ياسين حصل على ملخص حياتي عشان يتعمل مسلسل وضيعه)"، وتابع: "يا أستاذة برنسة تحياتي ليكي أولا، ثانيا حضرتك كنتي قابلتيني وإحنا بنصور مسلسل "ونحب تاني ليه" على ما أتذكر، ولاقيتك من تلقاء نفسك جايبالي ملخص وقولتي لي اقراه عشان عايزة أعمله مسلسل، وقتها كنا لسه بنصور وما قدرتش أقراه وقتها".
وأكمل: "قرأته بعد كده لما اتصلتي بيا فكرتيني به بعد فترة طويلة، وقتها أنا قريته، وللأسف مالقتش فكرة مناسبة له، وحضرتك ماكلمتينيش تاني، وأنا ماتصلتش برضه، وده تقصير مني بعتذر عنه، لكن مش عارف جبتي منين حكاية إني أنا ضيعته؟؟ مش عارف جبتي الفكره دي منين؟ الملخص بتاعك في الحفظ والصون زي ما هو، وتقدري تاخديه وقت ماتحبي، و ربنا يكرمك".