هاجمت المذيعة سارة نخلة، الفنانة نادية الجندي عبر حسابها الشخصي بموقع "فيسبوك"، بعدما نشرت الأخيرة تفاصيل عن سعر فستان ارتدته في حفل جوي أوردز بالرياض.
وكتبت سارة: "الريد كاربت ليها أصول وإتيكيت بالظبط زي إتيكيت الأكل والضيافة، حضرتك ظهرتي بفستان بعض الناس شافوه غير لائق لا على سنك ولا على جسمك، وأنتي حرة طبعًا ودي حرية شخصية، بس ما تطلعيش تحطيلنا إن ثمن الفستان دا آلاف الجنيهات عشان تقنعينا إنه حلو".
وأضافت: "ما هو في ناس بتلبس بألف جنيه وتكسر الدنيا عادي، مش عشان هو غالي يبقى نقتنع إنه حلو، وهو ولا غالي ولا حاجة أصلا هو ماحصلش ألف دولار أصلا، وبالنسبة للماركات العالمية دا ولا حاجة".
وتابعت: "أنا ضد التنمر على شكل أو جسم أو أي حاجة، وعشان كده التزمت الصمت، بس تيجي عايزة تقنعينا بالعافية، لا كده كتير أوي، ومش مضحكني غير اللي بيطبلها ويقولها حلو أوي، احترمي جمهورك وسنك".