تحدث محمد شريف مهاجم منتخب مصر، عن لقطة التغيير المثيرة، خلال فترة تولي كارلوس كيروش، قيادة «الفراعنة» في أمم أفريقيا 2021.
كان كيروش قد دفع بمحمد شريف، في الدقيقة 105 من عمر اللقاء، وقرر استبداله في الدقيقة 117، في نصف البطولة أمام الكاميرون.
قال محمد شريف خلال تصريحات فضائية عبر برنامج «الكورة مع فايق»: «نزلت تقريبا 7 دقايق، نزلت في الوقت الإضافي وليس في الوقت الأصلي، استغربت لأني مع كيروش مكنتش بشارك على طول، وفي الفترة دي كنت ماشي كويس في الدوري وكنت هداف البطولة».
أضاف: «زعلت جدا، وصعبت عليا نفسي واضايقت جدا بسبب اللي حصل، مكنتش نزلتني كان أفضل من اللي حصل ده، وكيروش بعدها جه قالي معلش وكلام من النوع ده».
واصل: «في ساعتها إنت اصلا مش مركز في اللي بيحصل بسبب الموقف، ومش عارف حتى تحتفل بالفوز، إنت مش لاعب صغير في السن علشان يتعمل معاه كدة، ومش بحب افتكر الموقف ده نهائي».