حل الفنان أحمد حلمي ضيفا على محطة راديو «إنرجي 92.1»، مع وائل منصور ومنة عامر في برنامج «عيشها بإنرجي»، مساء اليوم الاثنين، بعد اختياره نجما لشهر مايو.
وقال «حلمي» في تصريحات خاصة لـ«راديو إنرجي»، إن بإمكانه تقديم فيلم رعب أو نوعية مختلفة عن الأفلام الكوميدية.
وأضاف: «آه طبعا جدا.. ممكن أعمل أي دور.. أنا بدور دايما على إني أقدم حاجة تأثر في المشاهد وتخرج منها تفكر إن الدنيا وجهات نظر.. ولما بلاقي فيلم مبيقدمش حاجة زي دي بستخسر أعمله.. المواضيع الإنسانية كتير ومهمة أوي».
وأشار إلى أنه يحب سينما «البلاك كوميدي»، معقبًا: «عشان أنا برسم والرسم والتأمل وتجريد الأشياء نظرة فنية فجايز ده اللي حببني في الحتة دي».
واستطرد، قائلا: «ممكن شخص طبعه دايما صامت وساكت ويكون بيضحك جامد جدا.. زي نجيب الريحاني أو دريد لحام.. بيقدموا قمة الكوميديا لكن لما تقابلهم مبتلاقوش شبه اللي بيقدمه».
وعن قدرته على الحفاظ على التواصل مع مختلف الشرائح والفئات العمرية من الجمهور، عقب: «أنا بلعب على الكلاسيكيات في الكوميديا.. البني آدم مش النكت والطرائف اللي طالعة مع اختلاف الأوقات.. اللي بيضحك من 10 سنين بقى النهارده قديم.. وبعتمد على الإيفيه اللفظي أكثر من الموقف الإنساني».