"عامة أنا على حافة الانتحار، ومحدش حاسس أنا في إيه ، غيري، وحفل تخرجي بعد بكرا، هيكون حفل تخرجي من الدنيا"، رسائل الساعات الأخيرة لفتاه تدعى "رنا. ج"، 22 عاما من مدينة بلقاس التابعه لمحافظة الدقهلية والتى وصلت لمستشفى بلقاس مصابة بحالة إعياء، توفيت على إثرها، بعدما تناولت حبة الغلة السامة.

وأكدت أسرتها، أنها كانت تمر بحالة نفسية سيئة وتعاني من اكتئاب وعزلة.

وقالت رنا، فى أحد رسائلها الأخيرة على صفحتها على موقع التواصل الاجتماعي "الفيسبوك": "أنا حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني، أنا تعبت تعبت أوي واستحملت كتير أوي بس أنا إنسانة عندي طاقة مش قادرة أستحمل كل ده لوحدي أنا بس كنت محتاجة حد يطبطب عليا وياخدني في حضنه أنا عمري ما حسيت بحنية أم ولا أب ولا إخوات ولا أصحاب، أنا عايشة لوحدي حرفياً رغم وجود الناس دي حوليا أنا لوحدي والوحدة وحشة أوي ومُتعبة أوي أنا اتهلكت واتأذيت واتخذلت من أقرب ناس ليا وفي الآخر يتقالي معلش".

وتابعت: "محدش يكلف نفسه يفكر فيا ولا يفكر في إحساسي، أعيش ليه! أعيش لمين؟ أنا في الوقت ده كنت عاوزه بس اللي يحسسني إني أستاهل أتحب وإن حد يفضل معايا عشاني عشان بيحبني".

وأضافت: "أنا حاربت الناس كلها عشان أبقى كويسة وكل محاولاتي فشلت، تأكدوا إني موصلتش لهنا بسهولة كده لا والله أنا عافرت عشان موصلش بس للأسف الحزن كان أقوى مني، أتمنى ربنا يسامحني ويحاسبني على تعبي، وقلة حيلتي مش على عدم إيماني به، حاجة أخيرة أنا كنت لوحدي ودلوقتي لوحدي في أتمنى محدش من أهلي يحضر جنازتي لأني ماشية زعلانة زعلانة منهم كلهم ومش مسامحة في حق نفسي أبداً، ادعولي بالرحمة وافتكروني بالخير وأتمنى متنسيش زي ما كنت منسية، وقولوا للشخص اللي ختم نهاية حياتي إنه كان أملي الوحيد وللأسف خذلني، عرفوه إني كنت بحبه عرفوه إني خلاص فارقت الدنيا دي وأنا حزينة وزعلانة على نفسي".

وأردفت: "هيعرف بالصدفة إني موت زي ناس كتير أوي كانت في حياتي، حفلة تخرجي بعد بكرا هي مش حفلة تخرجي من الكلية بس ومن الحياة كلها، ادعولي ربنا يسامحني ومحدش يقولي ماتت كافرة لأن الكُفر هو إني أفضل عايشة مأذية ومنسية ووحيدة".

وتلقى اللواء مروان حبيب مدير أمن الدقهلية، إخطارًا من مدير المباحث الجنائية بورود بلاغ لمركز شرطة بلقاس من مستشفى بلقاس المركزي بوصول فتاة تدعى" رنا. ج"، 22 سنة، مصابة بحالة إعياء شديدة وادعاء تناول قرص كيماوي "حبة الغلة السامة"، ووفاتها بعد وصولها المستشفى.