عقد مارسيل كولر المدير الفنى للفريق الكروى الأول بالنادى الأهلى، جلسة عقب عودة الأهلى إلى تدريباته مع إمام عاشور، لاعب وسط الفريق، بوجود أيضًا حسين الشحات، جناح المارد الأحمر.
وكشف الإعلامى أحمد شوبير، حارس مرمى الأهلى ومنتخب مصر السابق، تفاصيل الجلسة، مشيرًا إلى أن كولر سيطرت عليه حالة من الغضب الشديد بسبب استبعاد إمام وحسين الشحات من منتخب مصر قبل مباراة سيراليون.
وقال أحمد شوبير: «بصوا يا جماعة اللاعب الجيد جيد، وإمام عاشور موهوب بدرجة عظيم، لكنه دائما محتاج قرصة ودن، وأنا قولت الكلام ده قبل كده، ولما قولت إنه مستبعد من السفر مع الأهلى فى مباراة صن داونز بالدورى الأفريقى كقرار تأديبى وليس كما قال الأهلى إصابة، فأنا كنت متأكدا جدا من اللى بقوله، عشان ساعتها برضه عمل نفس اللى عمله فى المنتخب بالتراخى فى التدريبات مع الأهلى».
وأضاف شوبير: «فاللى حصل فى المنتخب من إمام عاشور حصل منه قبل كده فى الأهلى، والجميل إن كولر أيد قرار فيتوريا بمعاقبة عاشور وقرارات الالتزام دى ماتزعلش حد، وعشان كده كولر داس على إمام عاشور جامد فى القعدة اللى تمت بينهم فى الأهلى، وانتقد أيضا حسين الشحات، لكن مش زى إمام».