دعم أحمد حسام ميدو، نجم الزمالك السابق، محمود شيكابالا، قائد الفريق، بعد إهداره ركلة جزاء وإضاعة كأس السوبر المصري لصالح الأهلي.
قال ميدو عبر حسابه الرسمي على موقع التواصل الاجتماعي «إكس»:" كل الدعم لشيكابالا قائد بمعنى الكلمة وياما شال الزمالك على كتافه في أوقات صعبة جدا".
أضاف:" النهارده خسرنا بس بجد أنا فخور بفريقنا وإن شاء الله الزمالك يعمل موسم جامد".
تابع:" للناس اللي بتقول شيكابالا كان عايز يأخذ اللقطة عايز أقولكم إن شيكابالا ماكنش داخل يشوط بس للأسف في لاعب كان دوره ورفض إنه يخش يشوط وقال للاعيبة أنا مش هشوط قبل كباتن الفرقة ف شيكابالا دخل شاط مكانه".
أتم:" دي الحقيقة شيكابالا ماكنش عايز ياخذ لقطة ولا حاجة ولكن تحمل المسؤولية ككابتن فرقة بعد رفض اللاعب التسديد".
تغلب الأهلي على الزمالك بركلات الجزاء الترجيحية بنتيجة 7-6، بعد انتهاء الوقتين الأصلي والإضافي بالتعادل السلبي، وإهدار شيكابالا ركلة جزاء كانت ستتوج الزمالك باللقب، ليتصدى لها الشناوي ويعيد الأهلي للمباراة، ويهدر عمر جابر ركلة بعدها ويخسر الزمالك اللقب.