قال الدكتور مصطفى مدبولي، رئيس مجلس الوزراء، إن الدعم النقدي سيحدد بالأساس وفقًا لنصيب الفرد الواحد، وسيتم ربطه بعدد أفراد الأسرة الواحدة.
وأضاف خلال مؤتمر صحفي من العاصمة الإدارية، مساء الأربعاء: «وارد إننا نجد الموضوع كرقم أكبر من اللي بشيله، ولكن في سبيل استدامة وحوكمة المنظومة إحنا مستعدين لعمل هذا الكلام».
وأشار إلى أن منظومة الدعم الجديدة تتعامل مع ملفات لم تقترب منها الحكومات على مدار ما يزيد عن 30 عامًا، وعلى رأسها الخبز المدعم.
وأكمل: «الخبز سلعة بقالها أكثر من 30 سنة كله قاعد ومفيش حد قادر يقترب منها والأرقام عمالة تزيد، بينما في عدد كبير من الأسر بيقول مين اللي قال إني عاوز 5 أرغفة، أنا باخدهم لمجرد إنها مدعومة، ولو أنت إديتهوملي فلوس ممكن أكتفي برغيفين وأوفر الفلوس آخد بيها حاجة تانية أنا عاوزها».
ونوه أن البعض يجفف خبز التموين ويمنحه كعلف للدواجن، معقبًا: «لما يبقى عارف إن ليه رقم بدل ما ياخد الـ5 أرغفة وخلاص، يقلل على الدولة فاتورة استيراد القمح، وساعتها هنلاقي إن الاستهلاك الحقيقي الذي يحتاجه المواطن نزل 20%».