حلت الفنانة نهال عنبر وابنها حسام الحسيني، ضيفين على برنامج المقالب «رامز نيفر إند»، الذي يقدمه الفنان رامز جلال عبر شاشة «mbc مصر»، مساء اليوم الاثنين.
وقال «جلال» في بداية تقديم الحلقة: «النهاردة حلقة مليئة بالإثارة والمفاجآت والأوجاع والصرخات، هتختلط فيها الدموع بالآهات، اللي هتشوفه النهاردة أكبر دليل إن طموحاتي ملهاش سقف، أنا مقدم على تحد جديد في سجل الإجرام، هتجرد من كل مشاعر العطف اللي أصلا مش موجودة جوايا».
وأكمل: «لأول مرة في تاريخي جايب أم وابنها، هنتزع الابن من أحضان أمه، هحرم الأم من ضناها، مش عاوزكم تبصوا لنص الكوباية الفاضي، في نص تاني مليان».
واستطرد: «اللي هيحصل النهاردة يا جدعان هيعمق الروابط الأسرية، هيقوي العلاقات العائلية، كل واحد فيهم هيعرف قيمة التاني، لما الابن يشوف أمه إنها بتنازع ويحس إنها خلاص بتروح منه، هيتأكد إنه مهما لف ودار ملوش في النهاية غير حضن أمه».
واختتم: «والأم لما تشوف اينها وهو بيستنجد بيها وبيقول لها الحقيني يا ماما، هتفهم إنها مهما نجحت في شغلها وانشغلت عن عيلتها ملهاش في الآخر غير ولادها وبيتها.. معانا ومعكم الأم الرؤوم والابن العاق، العائلة المفككة نهال عنبر وحسام الحسيني».
وبرنامج رامز جلال يعرض كل سنة خلال شهر رمضان، بفكرة مختلفة عما سبق، ويتبع فئة برامج المقالب، ويستضيف عددا من المشاهير من نجوم الفن والرياضة والإعلام.