قالت الفنانة سوسن بدر، إنها شاركت في عروض أزياء، بعد مشاهدتها إعلان خلال المرحلة الثانوية عن حاجة أتيلية «فينوس» لعارضات جدد، موضحة أنها فوجئت بأن الفنانة رجاء الجداوي هي من تجري اختبارات القبول.
وأضافت في لقائها ببرنامج «صاحبة السعادة»، المذاع عبر فضائية «دي إم سي»، مع إسعاد يونس، مساء الثلاثاء، «كانت أول مرة أشوفها على الطبيعة، ونجحت في الاختبار، وبدأت تمرنا وعملت شغل للأتيلية وحبيت الشغلانة جدا مع أنها مرهقة عكس ما بتظهر للناس حياتهم صعبة أوى».
وأوضحت أنها كانت نحيفة جدًا حينها وهذا ما ساعدها في تجاوز الاختبارات، معقبة: «كانوا بيفصلولي هدوم مخصوص عشان طولي والرفع، وبروح البروفة مرة وخلاص، ومديونة للفنانة القديرة رجاء الجداوي لأنها ساعدتني هي اللي علمتني إزاي أمشى وأقف، والقاعدة المظبوطة واللي ميصحش، وهي ملهاش زي».