واصل الشيخ خالد الجندي، عضو المجلس الأعلى للشؤون الإسلامية، نقده لما وصفه بالمحتوى العلمي فيلم «الضيف»، قائلًا إن الفيلم يحتوي على أخطاء قرآنية، ويتناول قضايا فقهية.
وأضاف خلال تقديمه برنامج «لعلهم يفقهون»، المذاع عبر فضائية «دي إم سي»، مساء اليوم الاثنين: «دي قضية دينية في المقام الأول، والفيلم بيتكلم عن قضية فقهية، وبيقول الحجاب مش فريضة، يعني الأزهر ومجمع البحوث الإسلامية وهيئة كبار العلماء ووزارة الأوقاف كلهم غلط».
وتابع: «يعني معنى كده إن الفيلم بيقول ضمنيًا إن المشايخ اللي بيقولوا للستات إن الحجاب فريضة هجاصين وغلطانين، وده كلام مش مظبوط»، مشيرًا إلى ضرورة مناقشة هذا الجانب من الفيلم بطريقة علمية.
وتعليقًا على ما قالته الناقدة ماجدة موريس بشأن تصريحات «الجندي» عن الفيلم، استطرد: «بقولها خليكي في شغلك، ومتتدخليش في شغلي، خليكي ناقدة في شغلك، لازم تدركي إن هناك فارق بين النقد السينمائي والنقد العلمي، أنا بتكلم عن النقد العلمي لقضية فقهية، ودي مش بتاعتك».
واستطرد: «يا أستاذة ماجدة يا "موريس"، خدي بالك عشان دي قضية دينية ودخولك في الملعب ده فيه حساسية شديدة، وأنا شيخ وفاهم بقول إيه، لأن ده ملعبي، وأنتي اللي استفزتيني واستفزيتي جمهور المسلمين بكلامك ده، واحترسي في المرة الجاية»، مؤكدًا أنه يستطيع تحدي «علماء الأرض» بشأن تأكيد فريضة الحجاب بأدلة من القرآن، وفقًا لقوله.
وكانت الناقدة الفنية ماجدة موريس، قد علقت على تصريحات الشيخ خالد الجندي بشأن فيلم الضيف، بشأن احتواء الفيلم على أخطاء فقهية، قائلة إن هذه التصريحات ليست سوى استفزاز للجمهور المصري.