وجه محمد طارق، لاعب الزمالك السابق، انتقادات حادة لمجلس إدارة القلعة البيضاء عقب فسخ تعاقده مع النادي وجلوسه قرابة الشهرين بدون نادي.
قال محمد طارق عبر صفحته الشخصية على موقع التواصل الاجتماعي «فيس بوك»:" بعد إغلاق القيد عاوز أقول كلمتين أولا بلاش تتخدعو في الناس والواحد مكنش محتاج حاجه من حد غير شويه احترام وإحترافية في التعامل لكن ده محصلش وانا مبحبش اتكلم كتير بس النهارده انا شبه هقعد شهرين بدون نادي".
أضاف:" لكن تعالو نعكسها كده لو أنا لاعيب وسبت النادي بتاعي وهو محتاجني أوي وروحت نادي تاني علشان فلوس أو غيرو الناس والجمهور بيقلبو الدنيا أما لما النادي إلى اتربيت فيه ولعبت وكسبت معاه بطولات وجزء ولو صغير من النادي وابن النادي وأكون راجع من أولمبياد وارجع علشان انزل التمرين واكلم المسؤولين وشهرين محدش يرد ولا يتواصل معاك".
تابع محمد طارق:" على فكره معنديش مانع تفسخ معايا عادي جدًا هي ديه الكورة وده جزء من الاحتراف لاكن انتو لا ترتقو انكو تكونو مسؤولين في نادي كبير ولا تعرفو يعني ايه احترام للاعب الصغير قبل الكبير عكس أي نادي تاني".
أتم محمد طارق:" لكن الجمهور واللاعبين أحب أشكرهم على كل يوم قضيته داخل النادي وبحبكو جدا وشكرا على كل الحلو إلى عشته والبطولات اللي خدناها سوا وأسف لو قصرت في يوم من الأيام".
